HEINEKEN Myanmar သည် ရန်ကုန်မြို့၏ စီးပွားရေးအချက်အချာအကျဆုံး နေရာဖြစ်သော Junction City Office Tower အဆောက်အအုံကြီး၏ ၁၅ လွှာတွင် ဂုဏ်ယူစွာဖြင့် ရုံးချုပ်နေရာအသစ်ကို ပြောင်းရွေ့ဖွင့်လှစ်လိုက်ပြီဖြစ်သည်။  ကမ္ဘာ့အကောင်းဆုံး နိုင်ငံတကာဘီယာအမှတ်တံဆိပ် ဖြစ်သော HEINEKEN ၏ ပုံရိပ်ကို  မြှင့်တင်ရန်၊  ဝန်ထမ်းများ၏ ပူးပေါင်းဆောင်ရွက်နိုင်မှု၊ ပါဝင်လုပ်ဆောင်နိုင်မှုတို့ကို အားပေးကူညီနိုင်ရန်တို့ အတွက် ဤခေတ်မီရုံးခန်းကြီးကို ရန်ကုန်မြို့ကြီး၏ ရှုမျှော်ခင်းကို ၂၇၀ ဒီဂရီပတ်လည် မြင်တွေ့နေနိုင်သောနေရာတွင် ဖန်တီးထားသည်။

ခေတ်မီဒီဇိုင်းပုံစံဖြင့် တည်ဆောက်ထားသည့် HEINEKEN Myanmar ရုံးချုပ်ကြီးတွင် ကျယ်ဝန်းသော နေရာထိုင်ခင်းများ၊ လက်တွေ့ဆန်သော စက်ရုံစတိုင်ဖန်တီးထားသည့် မျက်နှာကျက်များနှင့် သဘာဝအလင်းရောင်တို့ ရရှိအောင် ဖန်းတီး ထားသောကြောင့် ရန်ကုန်မြို့တွင် အသစ်လွင်ဆုံး၊ အထူးခြားဆုံး ရုံးခန်းများထဲတွင် တစ်ခုအပါအဝင် ဖြစ်လာမည် ဖြစ်သည်။ ယုံကြည်မှု၊ ပွင့်လင်းမြင်သာမှုတို့နှင့် စပ်လျဉ်းသော ကုမ္ပဏီ၏ တန်ဖိုးများကို ပိုမိုမြှင့်တင်ထောက်ပံ့ပေး နိုင်ရန်အတွက် အစည်းအဝေးခန်းများကို မှန်များဖြင့် ကာရံထားပြီး မန်နေဂျာများသည်လည်း အခြားလုပ်ဖော် ကိုင်ဖက်များနှင့် လက်ရည်တစ်ပြင်တည်း အတူတကွထိုင်၍ အလုပ်လုပ်ကိုင်နိုင်ရန် စီမံထားသည်။ ဤရုံးသစ်ကြီး၌ သောကြာနေ့များတွင် အလုပ်ပြီးချိန်၌ ဝန်ထမ်းများ  အေးအေးဆေးဆေးအနားယူနိုင်ပြီး ဘီယာများသောက်သုံးနိုင်သည့် ဘားတစ်ခု၊ DJ Booth တစ်ခု၊ အပန်းဖြေရာနေရာများ၊ မိခင်နှင့် ကလေးများအတွက် သက်သက်သာသာ ဖြစ်စေမည့် နားနေခန်း၊ ဗီဒီယိုများကြည့်ရန်နှင့် ပွဲအခမ်းအနားများ ကျင်းပရန်တို့အတွက် ကြီးမားကျယ်ပြန့်သော မျက်နှာပြင်ရှိ တီဗီကြီး တစ်ခုတို့ ထားရှိပေးထားသည်။ 

“HEINEKEN Myanmar ဟာ ဝန်ထမ်းတွေရဲ့ ဖွံ့ဖြိုးတိုးတက်မှုကို အမြဲအလေးထားပါတယ်။ အောင်မြင်လိုတဲ့ လုပ်ငန်းခွင် ယဉ်ကျေးမှုတစ်ရပ်ကို တည်ဆောက်တဲ့နေရာမှာ ဆွဲဆောင်မှုရှိပြီး လုပ်ငန်းတွင်ကျယ်စေတဲ့ လုပ်ငန်းခွင်တစ်ခုကို ဖန်တီး ပေးနိုင်ဖို့က သိပ်ကိုအရေးပါတဲ့ အရာတစ်ခုဖြစ်ပါတယ်။ အခုလို ရုံးခန်းနေရာ ပြောင်းရွှေ့လိုက်ခြင်းက မြန်မာနိုင်ငံနဲ့ မြန်မာလူမျိုးတွေရဲ့ ဖွံ့ဖြိုးတိုးတက်မှုအတွက် ရင်းနှီးမြှုပ်နှံဖို့၊ အထောက်အကူပေးနိုင်ဖို့အတွက် HEINEKEN ရဲ့ ကတိကဝတ်ကို ထင်ဟပ်ပြသနေပါတယ်။ HEINEKEN Myanmar ရုံးကို ရန်ကုန်မြို့မှာ အကောင်းဆုံးရုံးတစ်ခုအဖြစ် အသိအမှတ်ပြုလာကြမယ်လို့ မျှော်လင့်ပါတယ်” ဟု HEINEKEN Myanmar ၏ Managing Director ဖြစ်သူ René Sánchez Valle က ဆိုသည်။

HEINEKEN အနေဖြင့် ဝန်ထမ်းများအပေါ် ရင်းနှီးမြှုပ်နှံမှုပြုလုပ်ရာတွင် ဤကဲ့သို့ စိတ်ကူးဥာဏ်ကွန့်မြူးစေသော လုပ်ငန်းခွင်တစ်ခုကို ဖန်တီးပေးခြင်းတစ်ခုတည်းသာမက စွမ်းဆောင်ရည်မြင့်မားသူများ၊ ထူးချွန်သူများကို ဆွဲဆောင်ရန်၊ တိုးတက်စေရန်၊ ထိန်းသိမ်းထားရန် ရည်ရွယ်၍ ကုမ္ပဏီ၏ လူ့စွမ်းအားအရင်းအမြစ်ဖွံ့ဖြိုးရေး အစီအမံတစ်ရပ်ဖြစ်သည့် ‘Go Places’ အတွက် အမျိုးမျိုးသော အစီအစဉ်များကိုလည်း ထားရှိထားသည်။ HEINEKEN ကုမ္ပဏီအတွင်းရှိ ဤ ‘Go Places’ အစီအစဉ်တွင် ပြည်ပ၌ ၆ လခန့် ကာလတို တာဝန်ထမ်းဆောင်စေခြင်း၊ ဘွဲ့ရပြီးစ ထူးချွန်လူငယ်များအား ကုမ္ပဏီတွင်း လုပ်ငန်းခွင် လက်တွေ့သင်ကြားပေးမှုအစီအစဉ်များ၊ ဌာနပြောင်းရွှေ့လုပ်ကိုင်ကာ အတွေ့အကြုံသစ် ရစေခြင်း အစရှိသော အစီအစဉ်များတွင် ပါဝင်နိုင်ကြရန် အားပေးကူညီလျက်ရှိသည်။

“HEINEKEN Myanmar အနေနဲ့ ကုမ္ပဏီ ဖွံ့ဖြိုးတိုးတက်လာတာနဲ့အမျှ မြန်မာနိုင်ငံက ဝန်ထမ်းတွေရဲ့  လုပ်ရည်ကိုင်ရည် တိုးတတ်စေဖို့၊ အကောင်းမွန်ဆုံး အရည်အသွေးနဲ့ အရည်အချင်းရှိတဲ့သူတွေကို ဆွဲဆောင်ဖို့အတွက် အလေးထားပြီးတော့ လုပ်ဆောင်နေပါတယ်။ ကမ္ဘာ့အကောင်းဆုံး နိုင်ငံတကာဘီယာထုတ်လုပ်တဲ့ ကုမ္ပဏီကြီးတစ်ခုအနေနဲ့ ကျွန်မတို့က အခြားကုမ္ပဏီတွေ မပေးနိုင်တဲ့ အထူးဖန်တီးထားတဲ့ ပရော်ဖက်ရှင်နယ် လုပ်ငန်းအတွေ့အကြုံတွေ ပေးနိုင်ပါတယ်။ ဥပမာ ပြည်ပမှာ သက်ဆိုင်ရာ လုပ်ငန်းနယ်ပယ်အလိုက် တာဝန်ချထားမှုလိုမျိုးပေါ့။ တကယ်လို့  သင်က စိန်ခေါ်မှု၊  စွန့်ဦးတီထွင် ဆန်းသစ်တဲ့ ပျော်စရာကောင်းတဲ့ အလုပ်မျိုးကို လိုချင်တဲ့သူဆိုရင်တော့  HEINEKEN Myanmar က သင့်အတွက်ပါလို့ ပြောချင်ပါတယ်” ဟု HEINEKEN Myanmar ၏ Human Resources Director ဖြစ်သူ Yadira Sepúlveda Cavazos က ဆိုသည်။  

HEINEKEN Myanmar အနေဖြင့် ‘Go Places’ အစီအစဉ်၏ တစ်စိတ်တစ်ပိုင်းအဖြစ် အာရှပစိဖိတ်ပညာသင်ကြားမှု အစီအစဉ် (Asia Pacific Graduate Program – APGP) အတွက် လျှောက်ထားမှုများ လက်ခံနေပြီဖြစ်သည်။ ဤ နှစ်နှစ်တာ ကြာမြင့်မည့် အစီအစဉ်တွင် ပြည်ပ၌ သက်ဆိုင်ရာ လုပ်ငန်းနယ်ပယ်အလိုက် တာဝန်ချထားမှု နှစ်ကြိမ်  ပါဝင်မည် ဖြစ်သည်။ နိုင်ငံတွင်း အရည်အချင်းရှိ လူငယ်များအနေဖြင့် ၎င်းတို့၏ တိုးတက်အောင်မြင်မှု၊ အလုပ်အကိုင်တို့ကို အရှိန်အဟုန်မြှင့်တင်နိုင်မည့် အမျိုးမျိုးသော အတွေ့အကြုံများ၊ စိန်ခေါ်မှုများ၊ အခွင့်အရေးများကို ပေးအပ်ခြင်းအားဖြင့် အနာဂတ်တွင် ခေါင်းဆောင်များ ဖြစ်လာစေရေး အားပေးကူညီရန် ၎င်းအစီအစဉ်ကို ဖန်တီးထားခြင်းဖြစ်သည်။

လျှောက်ထားသူများအနေဖြင့် ၂၀၂၀ ပြည့်နှစ် ဇူလိုင်လ၏ အစီအစဉ်တွင် ပါဝင်နိုင်ရန်အတွက် သက်ဆိုင်ရာ အစီအစဉ်ကို ၂၀၁၉ ခုနှစ် အောက်တိုဘာလတွင် စတင်လျှောက်ထားနိုင်မည်ဖြစ်သည်။ စိတ်ပါဝင်စားသူများအနေဖြင့် https://careers.theheinekencompany.com/APGP/ တွင် ဝင်ရောက်လျှောက်ထားနိုင်မည်ဖြစ်ကာ အလုပ်အကိုင် အခွင့်အလမ်းများကို HEINEKEN Myanmar ၏ Facebook စာမျက်နှာ https://www.facebook.com/ HEINEKENMyanmarCareer/ တွင်လည်း ဝင်ရောက်လေ့လာနိုင်သည်။

Leave a Reply

Your email address will not be published. Required fields are marked *